Hjólreiðafélagið Bjartur heldur CUBE prologue mótaröð þriðja árið í röð. Árið 2013 verða mótin fjögur líkt og undangengin ár. Þetta er götuhjólakeppni þar sem hver og einn keppandi er ræstur af stað með 30 sekúnda millibili. Hjólaðir eru 7,2 km niður Krísuvíkurveginn í Hafnarfirði. Sigurvegari er sá sem er með flest stig úr þremur keppnum. 3 bestu tímarnir samanlagðir gilda ef 2 eða fleiri enda með sama samanlagðan stigafjölda í verðlaunasætum. Keppt er í tveimur flokkum: Götuhjóla-flokki (TT-stýri ekki leyfð) og Opnum flokki (TT)

Mótin 2013

Miðvikudaginn 24. apríl     Cube Prologue I
Miðvikudaginn 22. maí       Cube Prologue II
Miðvikudaginn 19. júní       Cube Prologue III
Miðvikudaginn 28. ágúst    Cube Prologue IV
Ræsing hefst stundvíslega kl. 19:00 efst á Krísuvíkurvegi

Skráning er opin til kl. 22:00 daginn fyrir keppni. Skráningagjald er 1.500 kr. og greiðst á reikning félagsins.

ATH: keppnisgjald hækkar upp í 2.000 kr. eftir að skráningu á netinu lýkur.

Afhending númera fyrir keppni fer fram í Verslununni TRI ehf Suðurlandsbraut 32 til kl 12:00 á keppnisdag og í Ásvallalaug á milli klukkan 17:30 – 18:00 á keppnisdag, salur 2. hæð. Eftir keppni verður boðið uppá léttar veitingar.

Aðalstyrktaraðili er CUBE á Íslandi.

Sjá mynd hvar rásmarkið er (rauður punktur) og einnig hvar endamarkið er (grænn punktur).

Hjólreiðafélagið Bjartur:
Glitvöllum 33
221 Hafnarfjörður
Banki: 545-14-403310
kennitala: 451211-1960
Netfang: info(at)bjartur.org

Profil brautarinnar er að finna hér

Úrslit frá 2011 og 2012.

Keppnisreglur

• Hjálmaskylda er í öllum keppnum á vegum Bjarts.
• Þátttakendur eru á eigin ábyrgð í keppnum á vegum Bjarts.
• Þátttakendum er óheimilt að þiggja utanaðkomandi aðstoð á meðan keppni stendur. Þó eru nokkrar undatekningar: drykkir, matur, slöngur, dekk, fatnaður og verkfæri. í keppnum á götuhjólum má skipta um hjól og gjarðir.
• Ekki er leyfilegt að nýta sér skjól (e. draft) af utanað komandi farartæki í keppni á vegum Bjarts. Í TT og Prolouge keppnum á vegum Bjarts má ekki nýta sér skjól af keppninautum.
• Bannað er að stytta sér leið.
• Keppandi má ekki með hegðun sinni stofna öðrum keppendum eða vegfarendum í hættu. Keppendur skulu ávalt sýna af sér íþróttamannslega hegðun.
• Reiðhjól skal vera með fram og afturbremsur í lagi og öll öryggisatriði í lagi. Stýrisendar verða að vera lokaðir.
• Keppendur verða að virða almennar umferðareglur á meðan keppni stendur.
• Racer flokkur – óbreytt reiðhjól m. hrútastýri, TT stýri ekki leyfðTT flokkur opinn – með TT stýri / þríþrautarhjól
• Keppandi hefur kynnt sér keppnisreglur Bjarts og telst skráning sem samþykki á þeim reglum

Spurt og svarað

Hvað er prologue?
Í hjólaheiminum eru prologue keppnir notaðar til að ákveða hver á að klæðast „gulu“ treyjunni. Okkur í Bjarti þótti nafnið svo elegant að við ákváðum að kalla þessa stuttu keppni okkar því prologue. Enda er vegalegndin í takti við það sem tíðkast í prologue. Allir sem náð hafa 16 ára aldri eru velkomnir að taka þátt.

Hver á besta tímann frá upphafi?

Hafsteinn Ægir Geirsson á besta tímann frá upphafi 6 mín og 18 sekúndur. Meðalhraðinn á honum var 68,57 km/klst. Besta tíma kvenna á María Ögn Guðmundsdóttir 7 min og 34 sekúndur. Meðlhraðinn á Maríu var því 57 km/klst. Báðum þessum tímum var náð í fyrstu prologue keppninni sem Bjartur hélt, þann 19.04.11

Hvað þýðir TT?

TT stendur fyrir „time trial“ eða einfaldlega tíma-taka. TT er einstaklingskeppni þar sem einn er ræstur í einu með frá 30 sek til 5 mínútna millibili. Í tímatöku er óheimilt að nýta sér kjölsog annars keppenda eða faratækis. Sá stendur uppi sem sigurvegari sem er með besta tímann.

Hver er munurinn á opnum- og racer flokki?

Í opnum flokki eru allar tegundir reiðhjóla án vélbúnaðar leyfð, TT hjól, fjallahjól, þríhjól, ömmuhjól osfrv. Í racer flokki er keppt á hefðbundnum götuhjólum án sérstaks búnaðar eða klæðnaðar til að draga úr vindmótstöðu.

Hvað gerist ef keppandi missir af rástímanum sínum?

Hver keppandi fær úthlutað einum rástíma. Það er á ábyrgð keppandans að mæta á réttum tíma að ráslínu. Keppandi getur farið af stað hvenær sem er eftir að hans rástími er liðinn. Viðkomandi fær hinsvegar mismuninn ekki frádreginn sem er á milli þess tíma sem hann fer af stað og rástíma.

Hvernig er tímatöku háttað?

Ræstar eru tvær klukkur samtímis við ráslínu og endamark. Þær eru látnar telja án þess að stoppa þar til seinasti keppandi er kominn í mark. Þegar keppandi er kominn í mark er rástími hans dreginn frá heildartíma sem gefur þann tíma sem tók viðkomandi að hjóla brautina. Þannig fær sá sem fyrstur ræstir 0sek í frádrátt, sá sem ræsir 2. Fær 30sek í frádrátt, 3. 60sek og svo koll af kolli.

Hvað er maður lengi að hjóla frá Ásvallalaug að ræsingu?

Það eru 10km frá Ásvallalaug að rásmarki. Það má reikna með að það taki 25 -30 min að hjóla það, sterkur mótvindur getur tafið fyrir.

Fyrir hvað stendur CUBE?

CUBE eru þýsk gæðhjól sem seld eru í versluninni TRI Suðurlandsbraut 32.